قصيده عن السفر وفراق الاحباب

ليت السفر بين المحبين ممنـوع
تحجز جوازات المحبين بالذات

حتيش لوأن السفر حق مشـروع
المشكله لأهل الهوى حزن وآهات

لاغاب خلّك والرجاء فيه مقطـوع
لابه رسايل توصلـك وأتصـالات

الخط مغلق كنّه الكـرت منـزوع
من ضيقتك تلعن جميع أشتراكـات

تضرب على الكفّين والقلب مفجـوع
تضيق بك عقبه جميـع المساحـات

في ليل دامس ضايعٍ مابـه شمـوع
الفكر تايه فـي دروب المتاهـات

العين تذرف بالدقايق لـه أدمـوع
والقلب عايش بين حسره وونـات

ولوّك تجر الصوت ماهوب مسموع
ياطول ما بينـك وبينـه مسافـات

يمكن ظروفه مامشت له على طـوع
ويمكن سلا فكره بروحـه وجيّـات

سايح بدار المغرب والأجـر مدفـوع
يسرح ويمرح بيـن سجّـه ولـذات

الجو صافي بين خضـره وينبـوع
وأنت بسموم القيض مابه أجـازات

الهم مدهالك من أسبـوع لأسبـوع
لاحل ذكرى الترف هلّيـت عبـرات

صار السفر كنّه مثل حبّة الكوع
جمع الحبايب سابـع المستحيـلات

بس الأكيد أن الغلا فيك مـزروع
الحب يبقى بالضمايـر ولا مـات

الصدق قلته والزعـل دوم مرفـوع
وقت السفر تبدي كثيـر المعانـات


قال علي رضي الله عنه
تغرب عن الأوطان في طلب العلا
وسافر ففي الأسفار خمس فوائـد
تفرج هم واكتســــاب معيشة
وعلم وآداب وصحبة مـــاجد
فإن قيل في الأسفار هم وكربـة
وتشتيت شمل وارتكاب الشدائـد
فموت الفتى خير له من حياتـه
بدار هوان بين واش وحــاسد
غريب الدار
وكيف يذوق النوم من عدم الكرى
ويسهـــر ليلا والأنام رقود
وقد كان ذا مـــال وأهل وعزة
فأضحى غريب الدار وهو وحيد
له جمـــرة بين الضلوع وأنة
وشوق شديد مـــا عليه مزيد
تولى عليه الوجد والوجد حــاكم
يبوح بمــــا يلقاه وهو جليد
وحالته في الحب تخبـــر أنه
حــزين كئيب والدموعشهود